Aaa baadlon ki saahil pe nange paon bhaagen,
Thoda aasmaan chalkayen, 'chapaak' se ek doosre par,
Kisi baade se baadal par tek lagaa kar baithen aur
Kuchh tasveren banaye aapni ungliyon se aasman ke canvass par.
Kisi redi par chalke kale khatte ki chuski khareeden aur
Chuski lete hue awaazon ko sun kar dheere dheere muskurayen.
Ye dekho, ek plane laambi si taar chhod gayi hai,
Aa isi ka bana kar jaala, lal-lal suraj ko pakden subeh-subheh,
Aur thak jo jayen chalte-chalte to raat ke seene pe sar rakh ke so jayen!
(1)
Chand chhup chhup ke dekhne ki koshish karta raha,
Kali ghataon ne parda jo kar rakha tha,
Ret ne apni sufead qaleen bhi bichha di thi,
Lehron ne apne sur aur tal saja liye the,
Nadi apna bulawaa bhej rahi thi,
Vaadi ka kohra nadi ke aangan me baith tha,
Waqt khamosh apne hi saath masroof tha,
Besabri ka nahin;
Ik sukoon ka, ik itmenaan ka intezar tha;
Raat, raat bhar ko nadi me khone ko,
Pahadon ke kandhon ke sahare
Dheere dheere utar rahi thi.
(2)
No comments:
Post a Comment